கண்ணுக்குத் தெரியாத வைரஸைக்கொண்டு,
கண்ணோக்கியும்மைப் பார்க்கச் செய்தவரே;
எல்லாரையும் வீட்டிலேயே முடங்கச் செய்து,
முழங்காலில் எங்களை மடங்கச் செய்தவரே;
நீர் அனுமதித்துவந்த வாதையைக் கொண்டே,
எங்களது பொல்லாப் பாதையை மாற்றினீரே;
கொள்ளைநோயை எழுப்புதலின் ஆயுதமாக்கி,
உம் வருகைக்கு எங்களை ஆயத்தமாக்கினீரே;
பெயரளவில் கிறிஸ்தவராக வாழ்ந்தவரையும்கூட,
பேரழிவினின்று காத்து மனதையும் மாற்றினீரே;
இந்தியாவிலிருந்து எழுப்புதலை தொடங்குபவரே,
ஆச்சர்யப்படத்தக்கவிதமாயதனை முடிப்பவரே;
வெகு சாதாரணமான எங்களைக்கொண்டும்,
மிகு அசாதாரணமான காரியங்கள் செய்வீரே;
மீண்டுமொருமுறை பூமிக்கு வரப்போகிறவரே,
மீண்டெழுந்து உம்மண்டை சேரப்பண்ணுவீரே.!
